Panasonic麵包機crossover光波爐-咖喱雜菜餐肉包

話說之前買了部機, 從此三日唔埋兩日就整包, 咁我依D煩人又點會滿足於DRY做公司?咁就上網睇下D大師COMMENT, 發現用P仔打麵團再用光波爐WORK喎, 即刻身痕.

第一次做餐旦, 但拎麵團出黎時覺得好痴手, 整完個包好實在....令人好飽....OK嘅, 但不會食第二個囉. 第二次做腸仔包, 自己有搓下個團先波, 但還是覺得有D實. 我又上網CHECK, 終比我見倒BK有師姐分享了做法, 今日終於做倒我想要的麵包喇.

新玩具-麵包機

話說唔知挑起邊條筋好想買麵包機, 之後就不停上網睇邊隻好. 最後買了PANASONIC 105T, 台版...

收倒後, 彭彭聲TRY一個最簡單的白吐司

 

 

很容易的就做好了, 超軟的, 只是我覺得不夠香. 可能落D旦同奶會好D.

 

跟住第二日諗住做個南瓜包, 點知...當我焗完一看...我冇安攪麵團的葉

 

 

夜了...咁惟有較時間明天焗起啦...點知....真係唔好預較時間TRY新野....

因為我自己想重D南瓜味, 落多了好多份量, 佢爆了....仲要係臨天光我聞倒燶味, 仲要痴倒入面黑哂.....心諗唔係二千幾用一次吧....

 

 

兩日後等D燶味散哂再黎, 不過唔好南瓜喇, 好唔老黎....做提子包. 超成功好味^^

 

 

 

WEEKEND有TRY新野, DOUBLE CHOCOLATE BREAD, 好味, 不過D朱古力粒溶哂, 下次要用輕力攪拌.

 

 

 

南瓜味實在淡又唔老黎, 一於TRY紫心蕃薯, 兩次都好好味.